EFNISYFIRLIT

• Innskráning      
• Að breyta um PIN númer fyrir sjálfsafgreiðsluvélar   
• Hver er munurinn á lykilorði og PIN númeri?   

Innskráning      

Lánþegi hefur val um að skrá sig inn með notandanafni og lykilorði sem hann hefur fengið úthlutað frá sínu bókasafni eða rafrænum skilríkjum. 

Á leitir.is þarf að byrja á að velja viðeigandi safnakjarna úr lista, til að fá fram ofangreindan innskráningarglugga.  

Slá inn notandanafn og lykilorð.    

Þá opnast Leitir.is síðan, með nafninu þínu efst í hægra horni.

Að breyta um PIN númer fyrir sjálfsafgreiðsluvélar   

Þessar leiðbeiningar eiga einungis við um lánþega í ALM og LBS safnakjarnanum. 

Notendur eiga að geta breytt PIN númerinu sínu fyrir sjálfsafgreiðsluvélarnar sjálfir með því að skrá sig inn á leitir.is og fara inn í „Mínar síður“.  

Inni á „Mínar síður“ þarf að finna „Persónuupplýsingar“.

Notandi getur þar skrifað inn nýtt PIN númer. Það á aðeins að fylla út reitinn „PIN fyrir sjálfsafgreiðsluvélar“ og skilja hina reitina eftir auða. 

Svo skal ýta á vista. PIN númerið skal vera 4 tölustafir og má ekki innihalda bókstafi. 

Ef lánþegi vill fá aðstoð við að útbúa nýtt lykilorð eða PIN-númer skal fylgja leiðbeiningum á síðunni Almennar upplýsingar.

Hver er munurinn á lykilorði og PIN númeri?   

Lánþegi notar lykilorð ef hann skráir sig með notandanafni inn á leitargáttina Leitir.is. Eitt lykilorð þarf fyrir hvern safnakjarna þar sem notandi er með lánþegaréttindi. Lykilorð þarf að vera að minnsta kosti 8 stafa langt og má ekki innihalda notandanafnið eða kennitölu.

PIN númer er notað til innskráningar á sjálfsafgreiðsluvélum safna. PIN númerið á að vera 4 tölustafir að lengd. Ekki er hægt að nota bókstafi.

Sama lykilorð og notað er fyrir innskráningu í almenningsbókasafn er notað til innskráningar í Rafbókasafnið.