Leiðbeiningar og verkbeiðnir

EFNISYFIRLIT

• Hvernig á að skrá sig inn á þjónustugátt og skoða verkbeiðnir
• Hvernig á að senda inn verkbeiðni
• Að finna leiðbeiningar í þjónustugáttinni

Hvernig á að skrá sig inn á þjónustugáttina og skoða verkbeiðnir

Fyrst þegar sendur er tölvupóstur á hjalp@landskerfi.is þá fær aðilinn sendan virkjunarpóst um innskráningu á þjónustugátt Landskerfis bókasafna. Til þess að geta skráð sig inn á þjónustugáttina þarf að smella á hlekkinn í póstinum og velja sér lykilorð. 

Kostir þess að skrá sig inn á þjónustugáttina eru að þá er hægt að skoða allar beiðnir sem sendar hafa verið til Landskerfis bókasafna og fylgjast með framgang beiðna sinna. Eins og er þá þarf ekki að vera innskráður sem notandi til þess að skoða leiðbeiningar á síðunni. 

Athugið innskráning á þjónustugátt Landskerfis bókasafna tengist ekkert innskráningu í Gegni.

Hvernig á að senda inn verkbeiðni

Til þess að senda inn verkbeiðni er hægt að fara á gegnir.freshdesk.com. En einnig er hægt að senda in verkbeiðni úr Gegni, sjá leiðbeiningar hér. 

Ekki er nauðsynlegt að skrá sig inn til þess að senda inn verkbeiðni. Til þess að senda inn verkbeiðni er smellt á „senda inn verkbeiðni“.

Ef smellt er á senda inn verkbeiðni þarf að velja „Gegnir - Verkbeiðni“ í felliglugganum, fylla út netfang, nafn, viðfangsefni og lýsingu, einnig er hægt að bæta við viðhengi, sjá leiðbeiningar um hvernig er best að taka skjámynd hér. Svo þarf að haka við „Ég er ekki vélmenni“ og velja Staðfesta.

Þegar búið er að skrá sig inn þá fyllir kerfið sjálfkrafa inn upplýsingar um netfang og einnig er hægt að velja að setja annan starfsmann í CC ef að fleiri aðilar koma að beiðninni. 

Undir mínar beiðnir er hægt að sjá beiðnir sem hafa verið sendar inn og í hvaða stöðu þær beiðnir eru. Hægra megin á síðunni er hægt að flokka verkbeiðnirnar eftir stöðu þeirra.

Einnig er hægt að loka beiðni sjálfur ef málið telst leyst. En beiðnir lokast sjálfkrafa innan nokkurra daga eftir að búið er að setja þær í stöðuna "leyst". Með því að smella á beiðnina opnast nýr gluggi þar sem hægt er að svara beiðninni, bæta fólki við eða loka henni með því að smella á "lokið mál". 

Að finna leiðbeiningar í þjónustugáttinni

Það er hægt að skoða leiðbeiningar með því að smella á „Leiðbeiningar“ í efri stikunni eða með því að fara á forsíðuna. Leiðbeiningarnar eru flokkaðar undir „Þekkingargrunnur“. Auðveldasta leiðin til þess að finna viðeigandi leiðbeiningar er að nota leitarstikuna. Með því að byrja að skrifa inn það sem verið er að leita að koma upp allar leiðbeiningar sem tengjast orðinu. 

Á forsíðunni er leitarstika sem leitar bæði í verkbeiðnum þínum og leiðbeiningum. Hægt er að velja að leita einungis að greinum, þ.e.a.s. leiðbeiningum. 

Með því að smella á Leiðbeiningar þá er hægt að sjá allar leiðbeiningarnar. Leiðbeiningarnar eru flokkaðar eftir yfirflokka, undir hverjum yfirflokk eru möppur og inn í hverri möppu eru greinar eða leiðbeiningar. Sumar möppur eru með margar greinar og því gæti þurft að smella á „Sjá allt“ til þess að fá upp allar greinarnar.

Með því að kveikja á græjunni „Fyrirpurnir og leiðbeiningar“ er hægt að skoða leiðbeiningar í gegnum Gegni. Hér eru leiðbeiningar um græjuna og hvernig er hægt að nota hana.