Börn og ábyrgðarmenn

Þegar verið er að gefa börnum lánþegaheimild á bókasafninu er mikilvægt að upplýsingar um forráðamann fylgi barninu. 

Til þess að setja inn upplýsingar um forráðamann barns þarf að fletta lánþeganum upp undir  „Umsjón með lánþegaþjónustu“. 

Á lánþegaþjónustu síðunni er farið í „Breyta athugasemdum“ undir „Athugasemdir notanda“. 

Þar opnast síðan í „Athugasemdir“ á upplýsingasíðu notandans. Þá er smellt á „Bæta við athugasemd“.

Það á alls ekki að haka við „Bæta við sem ytra“ 

Undir athugasemd skal skrifa nafn forráðamanns og kennitölu þess sem er ábyrgðarmaður barnsins. Í „Tegund“ er valið „Almennt“ og í „Eigandi“ er valið bókasafnið sem um ræðir. Svo er smellt á „Bæta við og loka“. 

Þá birtist athugasemdin á lista yfir athugasemdir og þá er hægt að smella á „Vista“. 

Nú koma upplýsingar um ábyrgðarmann alltaf fram undir „Athugasemdir notanda“ hægra megin á lánþegaþjónustu síðunni.