Stillingar í aðfangaviðmótinu

Hægt er að breyta röðinni á atriðum í pöntunarforminu og sníða það að þörfum einstakra safna, t.d. að setja eintökin efst.  Einnig er hægt að fela þær línur sem ekki eru notaðar.

Byrja á því að fara í „Aðföng“ í stikunni vinstra megin.  Velja í felliglugganum „Nýr listi yfir innkaupapöntunarlínur“. 

Þá opnast listi yfir „Innkaupapöntunarlínur“ á skjánum.  

Hægt er að þrengja leitina á ýmsa vegu í stikunni vinstra megin, t.d. „Úthlutað til mín“. 

Í miðjunni er listi yfir innkaupapöntunarlínurnar og hægra megin nánari upplýsingar um einstakar pantanir.

-

Hægt er að breyta uppsetningu / röð atriða í upplýsingum um pöntunarlínuna.

Það er gert með því að smella á tannhjólið efst til hægri.

Þegar smellt er á tannhjólið opnast felligluggi.  Þar skal velja „Sérsnið hluta“.

Þá opnast listi yfir þau atriði sem birtast á upplýsingasíðunni um innkaupapöntunarlínuna.

Ef smellt er á punktana fremst í einstökum línum verða þeir svartir - og hægt er breyta röðinni eftir þörfum. 

T.d. færa línuna „Pöntuð eintök“ næst efst - og smella síðan á „Nota“. 

Þegar uppsetningu hefur verið breytt, hún sniðin að þörfum safnsins, birtist grænn punktur á tannhjólinu hægra megin.

Textinn í felliglugganum breytist líka - „Sérsnið hluta (Sérsniðið)“.

Til þess að fara til baka í grunnstillingar þarf að smella á „Endurstilla á sjálfgefið“ neðst í felliglugganum.  

Þá færist listinn í upprunalegt horf, faldar línur birtast á ný og græni punkturinn hverfur af tannhjólinu hægra megin.